بقالى فنرة مبنزلش لوحدى من البيت, دايما يا مع صحابى يا مع اهلى, من الباب للمكان اللى هنروحه و العكس, حتى هدومى او اى حاجة محتجاها مبقتش انزل لوحدى, دايما باخد حد من صحابى معايا.. النهاردة على حظى الخره نزلت لوحدى, و يارتنى ما نزلت, نزلت روحت اشترى شوية حاجات و اروح للكوافير فى مول فى اكتوبر, دخلت الدنيا كانت زحمة بنات و ستات و شباب.. الموضوع بقى, المعاكسة اللى اتعاكستاها النهاردة كانت غير طبيعية, زى ما يكون عمرهم ما شافوا بنات, مش عشان انا حلوة ولا اى خره, كعادتى اصلا و انا نزلة اخلص مشاوير كنت لمة شعرى, مش حاطة ميك اب, لابسة فلات, و على الحظ النهاردة
كمان كنت لابسة جيبة طويلة وواسعة, اللى هو انت بتعاكس لية اصلا؟؟ "يعنى مش المزة الجامدة اللى لو شفتاها لازم تعاكسها "ده بعيدا عن انى حتى لو انا حلوة او لابسة ضيق او اى حاجة ده برضوا ميدكش الحق انك تعاكس"
المهم ان بعد كام معاكسة من دول كده انا اتعصبت و بقى اى حد يرمى كلمة النهاردة كنت بلفله و ردى الوحيد "انت استفدت اية؟ ها فهمنى؟", البيه بقى اللى حرقلى دمى و حاولت الحقه و من حظه انى ملحقتوش لانه كان نازل على سلم وانا لابسة جيبة ومعرفتش امد, بس ودينى لو كنت لحقته كان زمانى مبيتاه فى القسم, ولا كان هيهمنى شكلى ولا اى خره, ده بقى الموضوع معاه تعدى المعاكسة مش لازم اقول عمل اية, انا مش مكسوفة, و مش هممنى شكلى قدام حد, ملعون ابو شكلى على ام دى بلد وسخة.. ولانى ملحقتوش انا مكنش ف ايدى غير انى اشتمه ولكام دقيقة اخلى منظره خره قدام كل الناس اللى هو بيجرى من وسطهم دول, المصيبة انه اجبن خلق الله و طلع يجرى ووشه فى الارض عشان عارف انه عمل حاجة غلط, عارف انه مريض و جبان.
كمان كنت لابسة جيبة طويلة وواسعة, اللى هو انت بتعاكس لية اصلا؟؟ "يعنى مش المزة الجامدة اللى لو شفتاها لازم تعاكسها "ده بعيدا عن انى حتى لو انا حلوة او لابسة ضيق او اى حاجة ده برضوا ميدكش الحق انك تعاكس"
المهم ان بعد كام معاكسة من دول كده انا اتعصبت و بقى اى حد يرمى كلمة النهاردة كنت بلفله و ردى الوحيد "انت استفدت اية؟ ها فهمنى؟", البيه بقى اللى حرقلى دمى و حاولت الحقه و من حظه انى ملحقتوش لانه كان نازل على سلم وانا لابسة جيبة ومعرفتش امد, بس ودينى لو كنت لحقته كان زمانى مبيتاه فى القسم, ولا كان هيهمنى شكلى ولا اى خره, ده بقى الموضوع معاه تعدى المعاكسة مش لازم اقول عمل اية, انا مش مكسوفة, و مش هممنى شكلى قدام حد, ملعون ابو شكلى على ام دى بلد وسخة.. ولانى ملحقتوش انا مكنش ف ايدى غير انى اشتمه ولكام دقيقة اخلى منظره خره قدام كل الناس اللى هو بيجرى من وسطهم دول, المصيبة انه اجبن خلق الله و طلع يجرى ووشه فى الارض عشان عارف انه عمل حاجة غلط, عارف انه مريض و جبان.
انا اللى مضايقنى موقف الناس بقى, بعد ما هديت, رجعت عديت من نفس المكان ف ولد فى سنى تقريبا واقف قدام المحل بتاعه ف بيقول لصاحبه "هى دى اللى شتمت الولد و جريت ورا" طب يا نطع اما انت شايفنى مش قادر تمسكه؟ فرحان اوى انك جبان و ان بنت ارجل منك؟ ولا انت معملتلوش حاجة عشان راجل زيك؟ ما هى اصلها نفس العينة الوسخة.
واللى يضايق اكتر رد فعل الناس اللى حوليا اما حاكتلهم " اغلبهم رجالة برضه" كل اللى بيتقال اهدى, لا بس انتى مكنش ينفع تشتميه, مينفعش تردى على اللى بيعاكس, لا عدى و اسكتى, يلا قولى الحمد لله ان محصلش اكتر من كده.. ياخى يلعن ابو ام البرود, اعدى ازاى يعنى؟؟ الحمد لله انى مغتصبتش مثلا؟؟ بس معاكسة و تحرش عادى ها؟ يبقى الحمد لله! هو انتوا حقيقيين؟ لا بجد انتوا اية النطاعة اللى بقت بتجرى فى دمكوا دى؟!
بس ارجع اقول اصلك مش بنت عشان تعرف قد اية انا مقهورة دلوقتى و اعصابى بايظة, انت مش بنت عشان تحس قد اية انا كنت ماشية فى الشارع بعد اللى حصل بتلفت حوليا اشوف اذا كان فى حد قريب منى فى مسافة يقدر يمد ايده او يقرب او اى خره, انت مش بنت عشان تحس انك كاره انك بنت وحاسس ان جسمك ده عورة ولازم تغطيها.
انا قرفانة و كارهه كل حاجة حوليا, خلاص المعاكسة و التحرش دول بقى امر واقع و حاجة طبيعية, بقى طبيعى ان اى بنت ماشية تتعاكس و تسمع كلام سخيف من ناس متسواش و ميطلقش عليهم كلمة رجالة اصلا, دول انطاع.. بس ده مش معناه انى هبطل انزل, ولا هسكت لما اى حد يعاكسنى ولا يمد ايده, اسكت ليه؟ هو انا مش بنى ادم؟ معنديش احساس يعنى؟ و بعدين مين ادلوا الحق انه يعمل كده؟ واللى اداله الحق انه يعمل كده ده يدينى الحق انى ادافع عن نفسى حتى لو كان باضعف الايمان و هو انى اشتمه, ف محدش يقولى اسكتى تانى, عشان انا مش هسكت, مش هسكت عشان ده حقى.
